Аляксандр Лукашэнка павіншаваў пагранічнікаў з прафесійным святам

Прэзідэнт Беларусі Аляксандр Лукашэнка павіншаваў камандаванне, асабовы склад, ветэранаў органаў пагранічнай службы Рэспублікі Беларусь з прафесійным святам - Днём пагранічніка,паведамляеБЕЛТА са спасылкай на прэс-службу беларускага лідара.

"Недатыкальнасць межаў для дзяржавы - найважнейшая ўмова захавання яе суверэнітэту, незалежнасці і тэрытарыяльнай цэласнасці, а іх абарона - справа гонару, патрыятычны абавязак і асаблівая адказнасць перад народам для кожнага воіна ў зялёнай фуражцы", - гаворыцца ў віншаванні.

Кіраўнік дзяржавы адзначыў: "У нашай краіне створана сучасная, мабільная, добра абсталяваная, прафесійная пагранічная служба, якая штодня аператыўна рэагуе на ўсе знешнія выклікі і пагрозы, эфектыўна вырашаючы задачы па ахове Дзяржаўнай мяжы Рэспублікі Беларусь і гарантаванні нацыянальнай бяспекі".

Асаблівыя словы падзякіАляксандр Лукашэнка адрасаваў ветэранам, якія прысвяцілі лепшыя гады жыцця абароне межаў Айчыны.

Прэзідэнт пажадаў усяму асабоваму складу, ветэранам органаў пагранслужбы мірнага неба, шчасця, дабрабыту і новых дасягненняў у службе на карысць Радзімы.