Аляксандр Лукашэнка правёў планавую нараду з сілавым блокам Беларусі

Не дапусціць парушэння дзяржаўнай мяжы наёмнікамі, гарантаваць Чарнобыльскай АЭС энергазабеспячэнне і аказаць дапамогу бежанцам з Украіны - гэтыя і іншыя задачы паставіў сёння Прэзідэнт на планавай нарадзе з сілавым блокам.

На фоне абвостранай сітуацыі на знешнім контуры надзвычай важна трымаць руку на пульсе і прадбачыць развіццё сітуацыі на крок наперад. Беларускай арміі варта развівацца з улікам сучаснага вопыту вядзення ваенных дзеянняў, адзначыў Аляксандр Лукашэнка. Становішча ў рэгіёне паказвае, што ў найбліжэйшай і сярэднетэрміновай перспектыве паляпшэння чакаць не прыходзіцца (відэа).

Наёмнікі, як растлумачыў пазней журналістам міністр абароны, небяспечныя сваёй непрадказальнасцю. Яны працуюць за грошы і будуць наносіць урон і цывільнай інфраструктуры, і самім цывільным асобам. Адсочваць усё, што адбываецца на знешнім контуры, - задача, пастаўленая перад усім сілавым блокам. Неабходна забяспечыць прыкрыццё тылу нашага асноўнага саюзніка, які зараз выконвае задачы па спецаперацыі. Узмацненне ўсходняга фланга НАТА (згодна з ацэнкамі, больш за 10 тысяч чалавек прыбылі ў краіны Захаду) і авіяцыйнай групоўкі, а таксама актыўнае вядзенне разведкі - усё гэта не можа не турбаваць беларускіх вайскоўцаў, адзначыў Віктар Хрэнін.