Аляксандр Лукашэнка традыцыйна прагаласаваў на ўчастку ў Беларускім дзяржаўным універсітэце фізічнай культуры

Яшчэ да поўдня свой голас на рэферэндуме аддаў і наш Прэзідэнт. Аляксандр Лукашэнка традыцыйна галасуе на ўчастку, які размешчаны ў Беларускім дзяржаўным універсітэце фізічнай культуры. Прыбыўшы на месца, Прэзідэнт прывітаў назіральнікаў і членаў камісіі. Падбадзёрыў прысутных - не ва ўсіх за плячамі вялікі вопыт публічнасці. Усё прайшло лёгка і нязмушана, нягледзячы на важнасць моманту і такую колькасць фота- і тэлекамер. І хоць кіраўніка дзяржавы ўсе ведаюць, ён усё роўна прыходзіць з пашпартам.