Аляксандр Лукашэнка: Ваенны канфлікт ва Украіне павінны вырашаць тры славянскія народы

Тэму важнасці міру ў суседняй краіне сёння падчас пленарнага пасяджэння I Форуму рэгіёнаў дзвюх дзяржаў акрэсліў Прэзідэнт Аляксандр Лукашэнка.

Беларусь гатовая дапамагчы ў вырашэнні канфлікту на ўсходзе Украіны, бо гэта агульная бяда для нашых краін. Аляксандр Лукашэнка звярнуў увагу, што калі трэба ўключыць Беларусь ва ўрэгуляванне канфлікту, то яна будзе дзейнічаць толькі зыходзячы з дамоўленасцяў украінскага і расійскага бакоў.

Аляксандр Лукашэнка таксама падкрэсліў, што Беларусь настроена на прадметны і канструктыўны дыялог з Украінай ва ўсіх сферах у духу даверу і ўзаемнай падтрымкі. Наша краіна гатовая ўдзельнічаць у мадэрнізацыі інфраструктуры ўкраінскіх гарадоў, пастаўляць тэхніку і разам выходзіць на рынкі трэціх краін. Сума кантрактаў, падпісаных на I Форуме рэгіёнаў Беларусі і Украіны, ужо перавысіла 100 мільёнаў долараў. Гаворачы аб перспектыве, краіны дамовіліся падняць арыенцір у тавараабароце з 8 да 10 мільярдаў долараў.

Да ўдзелу ў пленарным пасяджэнні форуму прэзідэнты Беларусі і Украіны пагаварылі ў двухбаковым фармаце. Асноўную ўвагу ў размове кіраўнікі дзяржаў надалі развіццю гандлю, эканамічнаму і інвестыцыйнаму супрацоўніцтву праз прызму патэнцыялу прамых кантактаў на ўзроўні рэгіёнаў. Аляксандр Лукашэнка адзначыў, што мерапрыемствы першага дня форуму напярэдадні прайшлі добра. І у такога фармату працы ёсць вялікая перспектыва.

Па выніках форуму падпісаны пакет дакументаў і дасягнуты дамоўленасці па ўсім спектры беларуска-ўкраінскага ўзаемадзеяння. Менавіта міжрэгіянальныя кантакты павінны зрабіць важкі ўнёсак і ў рост тавараабароту паміж краінамі. І сёння дамовіліся, што наступны форум рэгіёнаў Беларусі і Украіны адбудзецца ў Жытоміры.