ЕБРР падкрэслівае зацікаўленасць у супрацоўніцтве з Мінскам

Кіраўнік дзяржавы сустрэўся з віцэ-прэзідэнтам Еўрапейскага банка рэканструкцыі і развіцця Аланам Пію. Другі год запар Банк паляпшае прагноз па росце ВУП нашай краіны. На 2018 - плюс 2 %. ЕБРР падкрэслівае зацікаўленасць у супрацоўніцтве з Мінскам. Аляксандр Лукашэнка асобна спыніўся на пытаннях удзелу Банка ў прыватызацыі айчынных прадпрыемстваў, падкрэсліўшы, што яна павінна ў першую чаргу адказваць інтарэсам народа.

З ліку заходніх фінансавых інстытутаў Еўрапейскі банк рэканструкцыі і развіцця - адзін з галоўных прамых інвестараў нашай эканомікі. За 25 гадоў партнёрства амаль сотня знакавых праектаў - ад вытворчасці напояў да пасажырскага транспарту. Інвеставана каля 2 мільярдаў еўра.