Інтэрв'ю Аляксандра Лукашэнкі інфармагенцтву Associated Press беспрэцэдэнтна шырока растыражавалі замежныя СМІ

Інтэрв'ю нашага Прэзідэнта амерыканскаму інфармагенцтву Associated Press беспрэцэдэнтна шырока растыражавалі замежныя СМІ. Гэта больш як 250 публікацый і згадванняў у заходняй прэсе. Відэафрагменты сталі самымі папулярнымі на працягу сутак пасля выхаду інтэрв'ю. Іх выкарысталі ў сваіх эфірах больш за 40 замежных тэлеканалаў і тэлерадыёкампаній. Гэта Расія, Кітай, Францыя, Італія, Германія, Аўстралія, Вялікабрытанія, Нідэрланды, Данія, таксама Індыя, Катар, Нарвегія, Партугалія, Швецыя, Турцыя, Украіна, Японія і шматлікія іншыя. Поўную версію інтэрв'ю можна паглядзець на YouTube-канале Беларускага радыё.