Новыя падрабязнасці перамоў Аляксандра Лукашэнкі і Уладзіміра Пуціна ў Маскве

Больш дэталёва аб падрабязнасцях перамоў Аляксандра Лукашэнкі і Уладзіміра Пуціна распавяла прэс-сакратар Прэзідэнта Беларусі.

Паводле слоў Наталлі Эйсмант, у першачарговым парадку кіраўнікі дзяржаў прадметна абмеркавалі сітуацыю ў свеце, у рэгіёне з пераламленнем на Украіну. Адной з асноўных тэм у гэтым разрэзе стаў ход перамоў, якія праходзяць у Беларусі, і пазіцыі расійскага і ўкраінскага бакоў. У рамках абмеркавання гэтай тэмы на сустрэчу быў запрошаны памочнік прэзідэнта Расіі Уладзімір Мядзінскі. А па выніках было агучана адзінае меркаванне: пры жаданні ўкраінскага боку канфлікт можна вырашыць у любы момант.

Другая частка перамоў была прысвечаная актуальным пытанням двухбаковых адносін і выбудоўванню ўзаемадзеяння ў сувязі з жорсткім націскам Захаду і ЗША і гібрыднай вайной, развязанай супраць Расіі і Беларусі.

Як развіццё дамоўленасцяў прэзідэнтаў у панядзелак, 14 сакавіка, перамовы ў Маскве правядуць урадавыя дэлегацыі і выпрацуюць канкрэтныя рашэнні па ўсіх пытаннях, што былі абмеркаваныя.