Кадравыя рашэнні Прэзідэнта: абнавілася мясцовая вертыкаль

Узгоднены кіраўніком дзяржавы адразу некалькікіраўнікоў у рэгіёнах. Абнаўленне мясцовай вертыкалі закранула Баранавіцкі, Мастоўскі, Горацкі і Кіраўскі раёны. Новы першы намеснік старшыні ў Брэсцкім аблвыканкаме, таксама кіраўнікі Пінска і Віцебска. Работа ў раёнах - гэта найперш работа з людзьмі. Аляксандр Лукашэнка патрабуе не пакідаць без увагі праблемы жыхароў і не сячы з пляча, калі размова ідзе пра падбор кадраў. Стаўка на прафесіяналаў і адданых краіне людзей. Асобна прагучала аб сельскай гаспадарцы. У першую чаргу намаганні мясцовых кіраўнікоў павінны быць накіраваныя на адсталыя гаспадаркі.

І яшчэ адно прыкметнае рашэнне - узгоднены гендырэктар прадпрыемства "Белфармацыя". На гэтай пасадзе будзе працаваць Сяргей Літаш.

Абнавіўся і пул нашых прадстаўнікоў за мяжой. Так, Прэзідэнт прызначыў Надзвычайным і Паўнамоцным Паслом Беларусі ў Іране Дзмітрыя Кальцова. Кіраўнік беларускай дыпмісіі ў Манголіі з гэтага часу Дзмітрый Гарэлік. Прадстаўляць інтарэсы Беларусі на Кубе будзе Валерый Бараноўскі. Падрабязнасці кадравай пятніцы - у нашых выпусках.