Лукашэнка: Самаадданая праца старэйшых пакаленняў з'яўляецца падмуркам нацыянальнага багацця

Прэзідэнт Беларусі Аляксандр Лукашэнка павіншаваў грамадзян старэйшага пакалення з Днём пажылых людзей, паведамляе БЕЛТА са спасылкай на прэс-службу кіраўніка дзяржавы.

"Самаадданая праца старэйшых пакаленняў, якія перажылі Вялікую Айчынную вайну і ўзнялі краіну з руін, з'яўляецца падмуркам нашага нацыянальнага багацця. Вы будавалі гарады, узводзілі прамысловыя прадпрыемствы, аднаўлялі сельскую гаспадарку, вучылі дзяцей, здабывалі спартыўныя перамогі, здзяйснялі навуковыя адкрыцці, - гаворыцца ў віншаванні. - Многія з вас і сёння актыўныя і дзейныя: працягваюць працаваць, удзельнічаюць у грамадска-палітычным жыцці, выхоўваюць моладзь, шчодра дзелячыся сваімі мудрасцю і вопытам".

Аляксандр Лукашэнка падкрэсліў, што беларусы заўсёды з павагай ставяцца да старэйшых, таму клопат аб пажылых людзях і ветэранах быў і будзе сярод прыярытэтаў сацыяльнай палітыкі рэспублікі.