Лукашэнка: Адвакатура павінна быць пад кантролем і дзейнічаць па законе

Прэзідэнт Беларусі даручыў неадкладна разгарнуць работу па нарматворчасці для развіцця абноўленай Канстытуцыі.

Такую задачу Аляксандр Лукашэнка паставіў, прымаючы з дакладам кіраўніка Мінюста Сяргея Хаменку. Як адзначыў Аляксандр Лукашэнка, кіраўнік ведамства на сваёй пасадзе ўжо паўгода, а значыць, самы час далажыць аб праведзенай рабоце. Усяго беларускі лідар акрэсліў некалькі ключавых напрамкаў, сярод якіх якраз і работа з абноўленым Асноўным законам.

Прэзідэнт даручыў неадкладна разгортваць работу па нарматворчасці для развіцця абноўленай Канстытуцыі.

Патрабуе Аляксандр Лукашэнка навесці парадак і ў грамадскіх аб'яднаннях. Партыі, прафсаюзы і розныя фонды павінны функцыянаваць у адпаведнасці з літарай закона і абсалютна празрыста - адсюль ідзе і развіццё цывільнага грамадства. Асобны фронт работ - навядзенне парадку ў адвакатуры.

Яшчэ адзін напрамак - прымусовае выкананне. Неабходна вывесці яго на якасна новы ўзровень - даўжнікі абавязаны несці адказ за нядобрасумленныя дзеянні, тым больш рашэнні судоў трэба выконваць, а не бегаць і хавацца. І тут важныя кадры: адказныя і дысцыплінаваныя. Задача міністру ад кіраўніка дзяржавы - наладзіць і гэтую работу.