Лукашэнка павіншаваў народ Італіі з Днём абвяшчэння рэспублікі

Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў народ Італіі з нацыянальным святам - Днём абвяшчэння рэспублікі,паведамляеБЕЛТА са спасылкай на прэс-службу беларускага лідара.

Кіраўнік дзяржавы адзначыў, што на працягу доўгіх гадоў Беларусь і Італія паспяхова супрацоўнічаюць па шырокім спектры напрамкаў, у тым ліку ў гуманітарнай сферы, эканоміцы, культуры і адукацыі.

"Нас аб'ядноўвае трапяткое стаўленне да сям'і, дзяцей і бацькоў. Многае ў нашых краінах робіцца для падтрымкі моладзі, жанчын, аховы хрысціянскіх каштоўнасцяў, - гаворыцца ў віншаванні. - Нам ёсць чым ганарыцца і чаму навучыцца адно у аднаго".

Аляксандр Лукашэнка выказаў упэўненасць, што, нягледзячы на няпростую кан'юнктуру, беларусы і італьянцы прадоўжаць разам працаваць і сябраваць, спрыяючы паразуменню і дыялогу ў Еўропе.

Прэзідэнт Беларусі пажадаў народу Італіі міру, росквіту і дабрабыту.