Лукашэнка павіншаваў работнікаў і ветэранаў металургічнай галіны з прафесійным святам

Прэзідэнт Беларусі Аляксандр Лукашэнка павіншаваў работнікаў і ветэранаў металургічнай галіны з прафесійным святам,паведаміліў прэс-службе беларускага лідара.

Дзень металурга аб'ядноўвае ўсіх моцных духам людзей, якія працуюць у металургічнай прамысловасці, стаяць каля сталеплавільных печаў, пракатных станаў, забяспечваюць вытворчасць сыравінай і матэрыяламі, адзначыў кіраўнік дзяржавы.

"Плён вашай нялёгкай працы служыць асновай многіх вытворчых працэсаў. Выкарыстанне беларускіх распрацовак і марак сталі, якія па праве лічацца аднымі з лепшых у свеце, спрыяе ўмацаванню ключавых сфер эканомікі, машынабудавання, энергетыкі, будаўніцтва, павышэнню абароназдольнасці і нацыянальнай бяспекі нашай краіны", - гаворыцца ў віншаванні.

Прэзідэнт выказаў упэўненасць у тым, што металургі і надалей будуць працягваць слаўныя традыцыі працоўных калектываў і выконваць усе задачы, якія стаяць перад гэтай галіной.

Асаблівыя словы падзякі беларускі лідар адрасаваў ветэранам галіны, чые веды і ўменні стварылі трывалы каркас для эфектыўнай працы беларускай металургіі.

Аляксандр Лукашэнка пажадаў усім металургам і іх сем'ям моцнага здароўя, дабрабыту і шчасця.