Прэзідэнт Беларусі прыляцеў з афіцыйным візітам у Таджыкістан

Прэзідэнт Беларусіз афіцыйным візітам у Таджыкістане. Борт нумар адзін прызямліўся ў міжнародным аэрапорце Душанбэ. Каля трапа самалёта Аляксандра Лукашэнку сустракалі прэм'ер Кахір Расулзада і міністр сельскай гаспадаркі Садзі Карымзада.

Адразу ж у аэрапорце беларускі лідар пагутарыў з прэм'ер-міністрам Таджыкістана, абмеркаваўшы двухбаковыя адносіны дзяржаў, а пасля пачаліся перамовы Аляксандра Лукашэнкі з Эмамалі Рахмонам у вузкім складзе. Лідарам ёсць што абмеркаваць, бо Беларусь і Таджыкістан, стратэгічныя партнёры, маюць намер узмацніць узаемадзеянне. Цікавасць уяўляюць практычна ўсе напрамкі: эканоміка, абарона, адукацыя. Перамовам лідараў папярэднічала каласальная работа па лініі міністэрстваў і ведамстваў. Плануецца, што сёння будзе падпісаны вялікі пакет дакументаў. У Таджыкістане ўжо працуюць сумесныя з Беларуссю прадпрыемствы, і гэта толькі пачатак.

Паралельна з візітам у Душанбэ праходзіць бізнес-форум і выстава беларускіх тавараў і брэндаў. Стаўка на эканоміку. Паказчыкі гандлю трэба аператыўна прымнажаць. Беларускія прадпрыемствы на гэтай пляцоўцы плануюць падпісаць кантракты больш чым на 46 мільёнаў долараў. Больш за тое, зусім хутка чакаецца з'яўленне сумесных вытворчасцяў дываноў і малочнай прадукцыі.

Чакаецца, што яшчэ на 2 мільёны прадстаўнікі краін заключаць кантракты падчас анлайн-перамоў. У цэлым дэлегацыя дзелавых колаў Беларусі ўяўляе інтарэсы больш чым 70 кампаній і прадпрыемстваў. Бакі ўжо ўзгаднілі да падпісання звыш шасці дзясяткаў дакументаў.