Лукашэнка прыняў з дакладамі Косінца і Міцкевіча

Лукашэнка 23 мая прыняў з дакладамі намесніка старшыні УНС Аляксандра Косінца і начальніка сакратарыята УНС Валерыя Міцкевіча.

Нагадаем, у канцы красавіка адбылося першае пасяджэнне 7-га Усебеларускага народнага сходу ў новым канстытуцыйным статусе. Вырашаны ўсе першачарговыя арганізацыйныя і кадравыя пытанні, а таксама прынятыя найважнейшыя для краіны дакументы: Канцэпцыя нацыянальнай бяспекі і Ваенная дактрына. Аляксандр Лукашэнка звяртае ўвагу, што гэта толькі пачатак вялікай працы. Трэба сфарміраваць дакладную сістэму ўзаемадзеяння сходу з дзяржструктурамі, вертыкаль кіравання і прынцыпы працы. Паводле слоў Аляксандра Лукашэнкі, неабходна ўбудаваць УНС у палітычную сістэму краіны з улікам яго новых паўнамоцтваў і чаканняў людзей (відэа).