Лукашэнка расказаў, у чым АДКБ варта браць прыклад з ЕС

АДКБ павінна быць сур'ёзным элементам у сучаснай сістэме стрымліванняў і проціваг і актыўна ўдзельнічаць у фарміраванні новай міжнароднай архітэктуры. Саміт лідараў кіраўнікоў дзяржаў Арганізацыі Дагавора аб калектыўнай бяспецы сёння прымае Масква. У Вялікім Крамлёўскім палацы сабраліся лідары Арменіі, Беларусі, Казахстана, Кыргызстана, Расіі і Таджыкістана.

Аляксандр Лукашэнка ў сваім выступленні прама і прынцыпова гаварыў наконт сітуацыі ў свеце і ўсіх болевых пунктаў АДКБ. Захад вядзе жорсткую барацьбу за свае пазіцыі, а супраць Беларусі і Расіі разгорнута поўнамаштабная гібрыдная вайна. НАТА агрэсіўна нарошчвае мускулы, зацягваючы да сабе нейтральныя краіны, і дзейнічае па прынцыпе "хто не з намі, той супраць нас". На гэтым фоне ў АДКБ недахоп адзінства, які можа выклікаць сумныя наступствы.

На думку беларускага лідара, асноўнай мэтай знешніх сіл з'яўляецца падрыў стабільнасці на ўсёй постсавецкай прасторы. Аляксандр Лукашэнка зрабіў канкрэтныя прапановы па мадэрнізацыі работы арганізацыі.