Лукашэнка з рабочай паездкай знаходзіцца ў Гомелі - інспекцыя сур'ёзная

Прэзідэнт Беларусі сёння з рабочай паездкай знаходзіцца ў Гомелі. Пасля прылёту кіраўнік дзяржавы пачаў з даручэнняў па сельскай гаспадарцы губернатару і іншым адказным. Размова ішла аб завяршэнні ўборкі кукурузы. Прэзідэнт акцэнтаваў увагу, што пры цяперашнім надвор'і трэба быць акуратнымі.

Пасля гэтага Аляксандр Лукашэнка азнаёміўся з работай адной з артылерыйскіх баз, дзе захоўваюцца і рамантуюцца розныя віды ўзбраенняў і ваеннай тэхнікі. База была сфарміравана ў 1941 годзе, з 1945-га дыслакуецца ў Гомелі. На яе тэрыторыі ёсць зона захоўвання стралковай зброі, цэхі па рамонце ўзбраення і тэхнікі, пляцоўкі адкрытага захоўвання ўзбраення.

Праграма ў кіраўніка дзяржавы была сёння насычаная. Аляксандра Лукашэнку чакалі адразу ў некалькіх пунктах рэгіёна, у тым ліку на прадпрыемстве "Крышталь", дзе кіраўнік дзяржавы пагутарыў з калектывам.