Лукашэнка: Супрацоўнікі КДБ стаяць у авангардзе процідзеяння беспрэцэдэнтным выклікам глабальнага свету

Прэзідэнт Беларусі Аляксандр Лукашэнка павіншаваў калектыў Камітэта дзяржаўнай бяспекі з прафесійным святам - Днём супрацоўніка органаў дзяржаўнай бяспекі,паведаміліў прэс-службе беларускага лідара.

Супрацоўнікі КДБ, якія з'яўляюцца людзьмі асаблівай загартоўкі, у самых складаных і часам экстрэмальных сітуацыях нязменна дэманструюць высокі прафесіяналізм, выключную надзейнасць, максімальную сабранасць і канцэнтрацыю сіл, а галоўнае - адказнасць за лёсы грамадзян і краіны, канстатаваў беларускі лідар.

"Абапіраючыся на неацэнны вопыт папярэднікаў і традыцыі нацыянальнай спецслужбы, вы таксама стаіце ў авангардзе процідзеяння беспрэцэдэнтным выклікам глабальнага свету, спыняючы спробы ўмяшання звонку, абараняючы дзяржаўныя прыярытэты і каштоўнасці", - гаворыцца ў віншаванні Прэзідэнта.

Аляксандр Лукашэнка падзякаваў супрацоўнікамКДБ за рашучасць, ініцыятыўнасць, бездакорнае выкананне пастаўленых задач па абароне спрадвечнага права беларускіх грамадзян жыць у міры і згодзе, працаваць і ўпэўнена глядзець у будучыню.

Прэзідэнт пажадаў калектыву КДБ моцнага здароўя, дабрабыту і новых поспехаў у нялёгкай службе на карысць роднай Беларусі.