Лукашэнка сустракаецца з актывам Гомельскай вобласці

Сёння Прэзідэнт у камандзіроўцы ў Гомелі! У вобласці напярэдадні змяніўся губернатар. Аляксандр Лукашэнка прадстаўляе новага кіраўніка і сустракаецца з актывам рэгіёна.

Сацыяльна-палітычнае становішча - першае, што цікавіць кіраўніка дзяржавы. Як рэгіён трымае ўдар перад новымі выклікамі, напрамую ўплывае на работу эканомікі і на жыццё людзей. Сітуацыя на кантролі, але гэта не прычына для самазаспакаення - такі галоўны тэзіс Прэзідэнта! Усе пытанні развіцця рэгіёна зараз у вядзенні новага губернатара Івана Крупко (да ўчарашняга дня - міністра сельскай гаспадаркі і харчавання). Сёння, паводле пратакола, губернатара на пасадзе зацвердзіў Гомельскі аблсавет.

Кіраўнік Адміністрацыі Прэзідэнта адзначыў вопыт кіраўніка і кампетэнцыі. АПК - яго канёк. Іван Крупко добра вывучыў рэгіёны, валодае сітуацыяй на месцах, у працы кіруецца дзяржаўнымі інтарэсамі. У апошнія гады Гомельская вобласць змянілася. Развіццё прамысловасці, асваенне інвестыцый у рэгіёне апярэджвае сярэднія тэмпы па краіне. Экспарт вырас на траціну. Гэта шмат у чым заслуга ранейшага губернатара Генадзя Салаўя. Цяперашняму - трэба адпавядаць. Задача - падцягваць аграрную вытворчасць, садзейнічаць завяршэнню буйных інвестпраектаў, у тым ліку на Мазырскім НПЗ, сфарміраваць моцную каманду кіраўнікоў.