Лукашэнка: Задзейнічаныя для зрыву Канстытуцыйнай кампаніі механізмы не далі выніку

Сітуацыя вакол і ўнутры Беларусі, процідзеянне кібератакам, інфармацыйнай агрэсіі і санкцыйнаму ціску. Аляксандр Лукашэнка сёння запрасіў на сур'ёзную размову аператыўны і кіруючы склад органаў Камітэта дзяржбяспекі. КДБ прымаюцца ўсе неабходныя меры па абароне нацыянальных інтарэсаў нашай краіны. Дзякуючы суладнай працы сілавога блока паспяхова вырашаюцца задачы ў сферах разведкі, контрразведкі, абароны канстытуцыйнага ладу і процідзеяння тэрарызму. І, як часта гаворыць наш Прэзідэнт, - спакойна не будзе. З улікам геаграфічнага становішча Беларусь знаходзіцца ў эпіцэнтры ўсіх працэсаў. Гібрыдная вайна з яе інфа- і кібератакамі, спробамі разбурыць эканоміку - ужо новая рэальнасць. І ў гэтых умовах кіраўнік дзяржавы арыентуе Камітэт дзяржбяспекі працаваць на апярэджанне - ставіць надзейны заслон разнастайным выклікам і пагрозам. Тых, хто ў гэтым плане дабіўся вялікіх поспехаў, Аляксандр Лукашэнка адзначыў дзяржаўнымі ўзнагародамі. Ілона Красуцкая прадоўжыць тэму (відэа).