Мінск і Ташкент пачалі перазагрузку адносін

Актывізацыя двухбаковага супрацоўніцтва напярэдадні стала тэмай размовы ў Палацы Незалежнасці. На сустрэчы з паслом Узбекістана ў Беларусі Аляксандр Лукашэнка адзначыў, што краіны нагналі адставанне ў гандлі амаль 20 гадоў. І вось, па выніках мінулага года, ужо прыраслі ў два разы, за 9 месяцаў гэтага нагандлявалі на 121 мільён. Кіраўнік дзяржавы тэмпамі развіцця адносін задаволены. Прэзідэнт пацвердзіў: наша краіна будзе цалкам прытрымлівацца "дарожнай карты", якая была падрыхтаваная пасля сустрэчы двух лідараў у Ташкенце ў верасні гэтага года.

Жаданне перазагрузіць беларуска-ўзбекістанскія адносіны ёсць у кожнага з бакоў. "Зверыць гадзіннікі" на вышэйшым узроўні плануюць у наступным годзе. Дыпламат не выключыў, што Прэзідэнт Узбекістана з візітам у адказ наведае Беларусь ужо ў наступным годзе.

У прыярытэце супрацоўніцтва вытворчая кааперацыя ў машынабудаванні, АПК, IT, транспартнай і фармацэўтычнай галінах. У наступным годзе краіны прадоўжаць дыялог яшчэ і на ўзроўні рэгіёнаў. У 2019 годзе ў Мінску пройдзе першы Форум рэгіёнаў Беларусі і Узбекістана.