На дзяржслужбу трэба прыцягваць самых лепшых і вопытных кіраванцаў

Пра гэта заявіў Прэзідэнт Беларусі сёння на нарадзе аб сацыяльна-прававых гарантыях дзяржслужбоўцаў.

Ад прафесіяналізму кіраванцаў залежыць рэалізацыя маштабных праектаў і паляпшэнне дабрабыту народу. Кадравыя пытанні традыцыйна ў цэнтры ўвагі Прэзідэнта. Людзі павінны не проста валодаць высокімі маральнымі якасцямі - для іх важны шырокі кругагляд, бачанне стратэгічных задач і ацэнка наступстваў сваіх рашэнняў. Галоўная мэта - зрабіць дзяржслужбу прывабнай і ганаровай, падкрэсліў Аляксандр Лукашэнка.

У апошнія гады ў Беларусі ідзе маштабная аптымізацыя дзяржапарату. Колькасць дзяржслужбоўцаў ужо скарацілася на чвэрць і сёння складае крыху больш за 30 000. Яшчэ адна актуальная задача - своечасова закрываць вакантныя пасады. На асобных пазіцыях падбор кандыдатаў часам зацягваецца на месяцы і нават гады.