На нарадзе ў Прэзідэнта сёння абмяркоўвалі развіццё інстытута дзяржслужбы

Прынцыповае патрабаванне да дзяржслужбоўцаў - ні намёку на карупцыю.

На дзяржаўную службу трэба прыцягваць самых лепшых і вопытных кіраванцаў. На нарадзе ў Прэзідэнта сёння абмяркоўвалі развіццё інстытута дзяржслужбы. У першую чаргу вялікія патрабаванні да такіх спецыялістаў. Бо менавіта ад прафесіяналізму залежыць рэалізацыя ключавых маштабных праектаў, якія працуюць на эканоміку краіны. На думку Аляксандра Лукашэнкі, людзі дзяржаўныя павінны не проста валодаць высокімі маральнымі якасцямі. Для іх важна мець шырокі кругагляд, бачыць стратэгічныя задачы і ацэньваць наступствы сваіх рашэнняў. Таксама прынцыповае патрабаванне - ні намёку на карупцыю ў дзяржапараце.

У апошнія гады ў Беларусі ідзе маштабная аптымізацыя дзяржапарату. Колькасць дзяржслужбоўцаў ужо скарацілася на чвэрць і сёння складае крыху больш за 30 000.