Набалелыя тэмы медыцынскай галіны сёння абмяркоўвалі на нарадзе ў Прэзідэнта

Гучныя карупцыйныя справы ў медыцыне не павінны кідаць цень на сумленных і прыстойных урачоў, якіх у нас большасць. Набалелыя тэмы для галіны сёння абмяркоўвалі на нарадзе аб праблемных пытаннях у сістэме аховы здароўя і кадравых прызначэннях. Як адзначыў Кіраўнік дзяржавы, актуальнасць такой дасканалай размовы выклікана перш за ўсё неабходнасцю вырашэння праблем, што ёсць у медыцынскай сферы. Прычым іх маштаб не дазваляе проста абмежавацца новымі прызначэннямі. Прэзідэнт адзначыў, што самае важнае - знайсці прычыны, якія прывялі да ўзбуджэння пакуль 95 крымінальных спраў, дзе фігуруюць дзясяткі мільёнаў долараў злачынных сродкаў. У выніку амаль 100 чалавек трапілі пад следства.