Набалелыя тэмы ў ахове здароўя абмяркоўвалі на нарадзе ў Кіраўніка дзяржавы

Прэзідэнт Беларусі Аляксандр Лукашэнка запатрабаваў ад кіраўніцтва сістэмы аховы здароўя ўжо да пачатку наступнага года кардынальным чынам вырашыць усе выяўленыя праблемныя пытанні ў гэтай сферы.

Набалелыя тэмы для галіны напярэдадні абмяркоўвалі на нарадзе ў Кіраўніка дзяржавы. Важна знайсці прычыны, што прывялі да ўзбуджэння пакуль 95 крымінальных спраў, дзе фігуруюць дзясяткі мільёнаў долараў. У выніку амаль 100 чалавек трапілі пад следства. Апошнія паўгода ўсё грамадства было ўзбударажана станам спраў у ахове здароўя ў сувязі з разглядам правапарушэнняў.

На нарадзе Кіраўнік дзяржавы даў згоду на прызначэнне шэрагу кіраўнікоў у сферы аховы здароўя. На пасаду намесніка міністра ўзгоднены Барыс Андрасюк, на пасаду гендырэктара Белмедтэхнікі - Мікалай Кудзяньчук. Гендырэктарам Белфармацыі будзе працаваць Валянціна Ігнаценка.