Пачынаецца рабочая паездка Прэзідэнта Беларусі ў Гомельскую вобласць

У гэтыя хвіліны пачынаецца рабочая паездка Прэзідэнта Беларусі ў Гомельскую вобласць. Праграма візіту шырокая. Плануецца, што Кіраўнік дзяржавы наведае абласную дзіцячую клінічную бальніцу, дзе азнаёміцца з ходам яе рэканструкцыі. Абнаўленне ішло апошнія два з паловай гады. Аляксандру Лукашэнку даложаць аб арганізацыі работы ў медустанове і матэрыяльна-тэхнічнай базе. Тут усталявалі сучаснае абсталяванне, якое дазволіць аператыўна праводзіць дыягнастычныя і лабараторныя даследаванні. Падчас рабочай паездкі размова пойдзе і аб сацыяльна-эканамічным развіцці гомельскага рэгіёна ў цэлым, яго вытворчай сферы. Аляксандр Лукашэнка наведае завод "Гомсельмаш", дзе азнаёміцца са станам і перспектывамі развіцця прадпрыемства, работай канструктарскага бюро. Прэзідэнт даручаў да гэтага аграрнага сезона паказаць, як працуе новы сучасны суперкамбайн, які не будзе саступаць сусветным аналагам. Кіраўніку дзяржавы даложаць аб выкананні даручэнняў па развіцці айчыннага камбайнабудавання.