Пад Александрыяй Прэзідэнт асабіста выпрабаваў новую збожжаўборачную машыну

Рабочая паездка ў Гомельскі рэгіён - гэта добрая магчымасць ацаніць сацыяльна-эканамічнае развіццё ўсёй вобласці. Навінкі не толькі ў медыцыне паказалі на гэтым тыдні Кіраўніку дзяржавы. Летась Аляксандр Лукашэнка даручаў стварыць сельскагаспадарчы касмічны карабель. Напярэдадні ўжо на палях пад Александрыяй Прэзідэнт асабіста выпрабаваў новую збожжаўборачную машыну. Падрабязнасці ў сюжэце нашых карэспандэнтаў.

Найвысокая чысціня працы. Навінка Гомсельмаша выпрабаванне на палях "Александрыйскага" прайшла на самым высокім узроўні. Усяго некалькі зерняў пасля ўборкі. А гэта галоўнае - сабраць ураджай без страт.

Суперкамбайн гэтым летам выпрабоўваюць у рэальных умовах жніва ў трох рэгіёнах краіны. Менш як год таму канструктарам Кіраўнік дзяржавы паставіў задачу - сабраць машыну сусветнага ўзроўню. Учора Аляксандр Лукашэнка правёў тэст-драйв новай тэхнікі.

Камбайн з прыстаўкай "супер" для суперураджайных палёў. Выключна беларуская распрацоўка, хоць канструктары не ўтойваюць: бралі на ўзбраенне сусветны вопыт. 24 тоны збожжа за гадзіну, хуткасць па полі каля 8 кіламетраў за гадзіну. Убраць збожжавыя зараз можна амаль утрая хутчэй. Першыя эмоцыі Аляксандра Лукашэнкі і ацэнку навінкі Гомсельмаша атрымліваем літаральна з колаў.

Асаблівую ўвагу беларускі лідар звярнуў на неабходнасць большай лакалізацыі пры вытворчасці і навучанне механізатараў. Прэзідэнт вобразна жартуе: "За такі штурвал можна пусціць хіба што прафесара, чалавека з інжынернай хваткай". Таму іх будуць адпраўляць на завод, каб маглі азнаёміцца з тэхнікай на месцы - за дзень да гэтага дамовіліся на прадпрыемстве.

Зрэшты, Прэзідэнта цікавіць не толькі тэхніка, а ўвесь цыкл, пачынаючы з асноў - насення і селекцыі. Беларуская пшаніца дае 100 цэнтнераў з гектара, нягледзячы на ўмовы надвор’я, а гэта лепш, чым нават самы знакаміты імпарт.

Не менш прынцыповае пытанне - сістэма гаспадарання. "Александрыйскае" - буйны холдынг (поўны замкнёны цыкл). Ёсць свой брэнд і гандлёвая сетка. Аднак сур'ёзна адбіваецца крэдытная нагрузка. Кіраўнік дзяржавы даручыў на прыкладзе паспяховага аграхолдынга адпрацаваць фінансавую схему ў маштабах усёй Беларусі, каб прадпрыемствы маглі развівацца і гасіць пазыкі.

Вопыт "Александрыйскага" будуць прымяняць і ў іншых аграхолдынгах. Напрыклад, у "Купалаўскім" або новым, які можна стварыць у Шклоўскім раёне, не раздаючы гаспадаркі па палях. Рэкамендуюць стаўку рабіць на высокую якасць.

Аб новай лінейцы Гомсельмаша (а гэтае тры мадэлі) падрабязна гаварылі ў пятніцу падчас наведвання Прэзідэнтам завода ў Гомелі. Суперкамбайн, выпрабаваны асабіста Прэзідэнтам, - самая моцная, люксавая, версія.

Другая машына - палепшаная масавая версія. На траціну прадукцыйней. І яшчэ адзін кірунак - газаматорныя рухавікі. Выйграюць на паліве і экалагічнасці. Камбайны ў 2,5 раза таннейшыя за сусветныя аналагі.

Новыя машыны стануць візітнай карткай Гомсельмаша. У серыйную вытворчасць пойдуць праз год, спачатку іх абкатаюць на вопытных палях. Кіраўнік дзяржавы даручае правесці эксперымент - выбраць адну гаспадарку на Гомельшчыне - на ўвесь наступны аграсезон і туды адправіць і першыя экзэмпляры, і ўсю неабходную інфраструктуру. Абкатаем у сябе, зацікавяцца і замежныя партнёры.

Попыт сёння на ўсю тэхніку, якую выпускае завод. Трэці год высокі прыбытак. Але, безумоўна, ёсць і праблемы - дакладае гендырэктар холдынгу. Патрэбна гарантыя дзяржавы пад тры інвестпраекты. неабходна абнавіць абсталяванне. Не абышлі тэму канкурэнцыі і субсідый. Суседзі ствараюць перашкоды для нашага экспарту.

Галоўны партнёр-канкурэнт на ўсходзе - Ростсельмаш - на траціну субсідзіруецца насуперак дамоўленасцям у Еўразійскім эканамічным саюзе. У выніку канчатковы спажывец атрымлівае машыны па цане, значна ніжэйшай за заводскую. Прэзідэнт адзначыў, будуць прыкладацца ўсе намаганні для стварэння роўных канкурэнтных умоў.

Каб у меншай ступені залежаць ад знешніх рынкаў, Прэзідэнт заклікае шукаць і іншыя нішы для развіцця: напрыклад, заняцца рэанімацыяй тэхнікі старой. Падарыць ім другое жыццё танней, чым будаваць з нуля новую тэхніку. У першую чаргу гэта датычыцца машын беларускіх прамысловых гігантаў - МАЗа, МТЗ і Гомсельмаша. Роўнае развіццё холдынгу - адна з прычын, чаму яго не будуць прадаваць інвестару. Аб гэтым Кіраўнік дзяржавы скажа тым, у чыіх сёння руках сапраўды народны набытак. Галоўнае даручэнне калектыву толькі адно - якасць, бо толькі так сёння можна вытрымаць канкурэнцыю.

Пасля сустрэчы з Прэзідэнтам працаўнікі прадпрыемства адкрыта прызнаюцца - гэтыя зносіны пакінулі шмат пазітыўных эмоцый. А даручэнне па якасці ўжо прынята да выканання.

Мадэль таго самага суперкамбайна, які Аляксандр Лукашэнка выпрабаваў ужо на наступны дзень, праўда, у мініяцюры, на памяць Кіраўніку дзяржавы паднеслі працаўнікі прадпрыемства. Найбліжэйшыя задачы ў холдынга - надзейнасць складанай электронікі і максімальная лакалізацыя вытворчасці. Каб суперкамбайн і ўсе навінкі імкнуліся да стопрацэнтнага беларускага паходжання вузлоў і агрэгатаў. Зрэшты, да гэтай размовы плануюць вярнуцца на будучым тыдні.