Віншаванне акцёру Жэрару Дэпардзьё

Прэзідэнт Беларусі Аляксандр Лукашэнка павіншаваў акцёра Жэрара Дэпардзьё з 70-годдзем."Дзякуючы выдатным артыстычным здольнасцям Вы заваявалі сэрцы шматлікіх паклоннікаў як у Францыі, так і далёка за яе межамі, - адзначыў Кіраўнік дзяржавы. - Фільмы і спектаклі з Вашым удзелам з'яўляюцца класікай сусветнага кінематаграфічнага і тэатральнага мастацтва".

Аляксандр Лукашэнка адзначыў, што ў Беларусі добра ведаюць акцёра і цэняць як майстра, глыбока захопленага сваёй справай. Прэзідэнт выказаў упэўненасць, што яскравы талент і прафесіяналізм Жэрара Дэпардзьё яшчэ доўгія гады будуць запатрабаванымі, а творчая дзейнасць стане прыкладам для многіх пакаленняў.