Віншаванне Аляксандра Лукашэнка хрысціянам Беларусі, якія святкуюць Раство Хрыстовае 25 снежня

Кіраўнік дзяржавы адзначыў, што нязгаснае святло Раства Хрыстовага сагравае сэрцы людзей самымі цёплымі пачуццямі.
"Раство ўмацоўвае веру ў дабро. Напаўняе духоўнымі сіламі. Дапамагае спасцігнуць вечныя каштоўнасці: любоў, міласэрнасць, уменне дараваць. Сцвярджае ў грамадстве лепшыя хрысціянскія традыцыі: шанаванне бацькоў, якія падарылі жыццё, непарушнасць сямейных сувязяў, адданасць роднай зямлі", - гаворыцца ў віншаванні.
Аляксандр Лукашэнка пажадаў, каб глыбокі сэнс вялікага свята суправаджаў усе добрыя справы і пачынанні.