Віншаванне работнікам падатковых органаў з прафесійным святам

Прэзідэнт Беларусі Аляксандр Лукашэнка павіншаваў работнікаў падатковых органаў з прафесійным святам.

"Сярод прыярытэтных напрамкаў дзейнасці вашага ведамства не толькі выкананне бюджэту, але і ўмацаванне прынцыпаў добрасумленнасці і канкурэнтаздольнасці, пошук стымулаў для росту эканомікі дзяржавы. Ад вынікаў гэтай працы шмат у чым залежыць забеспячэнне сацыяльнай стабільнасці ў Беларусі і росквіт нашага народа", - гаворыцца ў віншаванні.

"Дзякуючы адкрытасці, зычлівасці і канструктыўнасці ва ўзаемадзеянні з падаткаплацельшчыкамі вы дасягаеце высокіх вынікаў у сваёй дзейнасці. Гэта ў канчатковым выніку станоўча адбіваецца на інвестыцыйным клімаце краіны і стымулюе дзелавую ініцыятыву", - адзначыў Аляксандр Лукашэнка.

Ён таксама пажадаў работнікам падатковых органаў здароўя, шчасця і паспяховай працы ў імя Беларусі.