Віншаванне з 75-ай гадавінай перамогі ў Курскай бітве

Прэзідэнт Беларусі Аляксандр Лукашэнка павіншаваў губернатара Курскай вобласці Расіі Аляксандра Міхайлава, ветэранаў Вялікай Айчыннай вайны і жыхароў гэтага рэгіёна з 75-ай гадавінай перамогі ў Курскай бітве.

Кіраўнік дзяржавы адзначыў, што гэтая падзея пераламала ход баявых дзеянняў і дазволіла пачаць стратэгічны наступ савецкіх войскаў.

"Гэта бітва застанецца ў гісторыі як прыклад сапраўднай мужнасці і гераічнасці, сілы духу і веры ў перамогу. Кожная пядзя курскай зямлі палітая крывёй загінуўшых герояў, салдат і афіцэраў розных нацыянальнасцяў. Іх подзвіг вечна будзе жыць у сэрцах беларусаў", - гаворыцца ў віншаванні.

Прэзідэнт падкрэсліў, што пачуццё глыбокай удзячнасці воінам-вызваліцелям, якія падарылі людзям права на мірнае жыццё, назаўжды аб'яднала братэрскія народы Беларусі і Расіі.