Прэм'ер-міністр далажыў Прэзідэнту аб працы абноўленага ўрада Беларусі

Праект прагнозу развіцця Беларусі, бюджэт і асноўныя кірункі грашова-крэдытнай палітыкі на наступны год падрыхтаваныя абноўленым складам урада і праходзяць фінішныя ўзгадненні. Пра гэта сёння Прэзідэнту Беларусі далажыў прэм'ер-міністр Сяргей Румас.

Кіраўнік дзяржавы адзначыў, што яго ў першую чаргу цікавіць развіццё эканамічных працэсаў з улікам няпростых знешніх і ўнутраных выклікаў і іх уплыў на фінансавае здароўе беларускай эканомікі. Таксама Прэзідэнт пацікавіўся пазіцыяй кіраўніка ўрада наконт вёрсткі перспектыўных бюджэтаў на тэрмін да пяці гадоў і мадэрнізацыі самой структуры Кабінета міністраў. Таксама пакуль не знятыя з Сяргея Румаса пытанні развіцця гульні нумар 1 - беларускага футбола. Аляксандр Лукашэнка крануў і яшчэ адну актуальную спартыўную тэму - падрыхтоўку да Еўрапейскіх гульняў. Змагацца з гаспадаром першага форуму - Азербайджанам - у аб'ёме выдаткаў на правядзенне форуму не варта. Беларусы павінны ўзяць душэўнасцю і найвышэйшым узроўнем арганізацыі, падкрэсліў Аляксандр Лукашэнка. Сяргей Румас адзначыў, што абноўлены склад урада пачаў працу без прамаруджання, і сёння ўся структура Савета Міністраў працуе ў штатным рэжыме. Падрабязнасці дакладу прэм'ер-міністра глядзіце ў наступных выпусках навін.