Прэзідэнт Беларусі наведае "Дажынкі" ў Клімавічах

Прэзідэнт Беларусі Аляксандр Лукашэнка наведае абласное свята "Дажынкі", якое пройдзе ў горадзе Клімавічы Магілёўскай вобласці, паведамляе БЕЛТА.

Кіраўнік дзяржавы ўручыць узнагароды пераможцам уборачнай кампаніі.

Фестываль-кірмаш "Дажынкі" традыцыйна з'яўляецца галоўным сельскагаспадарчым святам у рэгіёне, дзе падводзяць вынікі уборачнай і ўшаноўваюць перадавікоў. Добры настрой і святочную атмасферу будуць ствараць не толькі работнікі сферы культуры, але і прадстаўнікі гандлю: гасцям мерапрыемства прапануюць шырокі асартымент прадукцыі. Агульная працягласць гандлёвых радоў складае амаль 600 м.

Прэзідэнт дагэтуль ужо пабываў на "Дажынках" у іншых рэгіёнах краіны. Свята прымалі Мікашэвічы (Брэсцкая вобласць), Карма (Гомельская), Валожын (Мінская), Масты (Гродзенская) і Полацк (Віцебская).