Прэзідэнт Аляксандр Лукашэнка накіраваўся з візітам у Сочы

У праграме - перамовы з Прэзідэнтам Расіі Уладзімірам Пуціным. Лідары дзвюх краін падрабязна абмяркуюць шырокі спектр пытанняў у развіцці беларуска-расійскага супрацоўніцтва, узаемадзеянне ў інтэграцыйных аб'яднаннях і на міжнародных пляцоўках, а таксама сусветны парадак дня.

Нагадаем, магчымасць сустрэчы ў Сочы лідараў дзвюх краін абмяркоўвалася 23 ліпеня падчас тэлефоннай размовы Аляксандра Лукашэнкі і Уладзіміра Пуціна. Тады кіраўнікі краін дамовіліся прадоўжыць узаемныя намаганні ў інтарэсах захавання пазітыўнай дынамікі ўзаемадзеяння.