Прэзідэнт Аляксандр Лукашэнка распавёў, якой бачыць Беларусь на адлегласці

Без адукацыі няма нацыі. З такіх слоў Прэзідэнт пачаў размову з таленавітай моладдзю ў Гродзенскім універсітэце імя Янкі Купалы.

На сустрэчы прысутнічалі таксама студэнты медыцынскай і аграрнай ВНУ. Аляксандр Лукашэнка адзначыў, што вышэйшыя навучальныя ўстановы Гродзеншчыны - сапраўдныя інтэлектуальныя цэнтры не толькі для рэгіёна, але і для краіны. Максімум адкрытасці - менавіта на такі фармат размовы нацэльваў моладзь Кіраўнік дзяржавы. Хто, як не яны, распавядуць, чым жыве рэгіён, ды і само пакаленне Z. У выніку гутарка са студэнтамі атрымалася вельмі грунтоўнай і шчырай. Абмяркоўвалі самыя розныя тэмы - ільвіная доля пытанняў так або інакш датычылася адукацыі. Але многім студэнтам, напрыклад, хацелася даведацца - гэта паказала апытанне, якое напярэдадні правялі сярод навучэнцаў, - якой бачыць Аляксандр Лукашэнка Беларусь на адлегласці. Усё ж Прэзідэнту па доўгу службы часта прыходзіцца бываць у замежных камандзіроўках.

Сустрэчы са студэнтамі папярэднічаў комплексны погляд на развіццё абласнога цэнтра і ўсяго Гродзенскага рэгіёна. Кіраўніцтва вобласці паведаміла аб праблемах у сельскай гаспадарцы. Праз надвор'е ёсць недабор у збожжы. Пра сацыяльна-эканамічныя перспектывы і горадабудаўнічыя планы Гродна Прэзідэнту распавялі на пляцоўцы агратурыстычнага комплексу "Каробчыцы". Абласны цэнтр павінен развівацца без спешкі і забудоўвацца з розумам. Пры гэтым неабходна развіваць і населеныя пункты ў сельскай мясцовасці, знаходзіць адметныя рысы для іх выкарыстання, у тым ліку ў сферы агратурызму.