Прэзідэнт: Беларусь ператварылася ў арэну супрацьстаяння чужых інтарэсаў

Асаблівасці знешняй палітыкі сёння абмяркоўваюць на нарадзе ў кіраўніка дзяржавы.

У размове аб тым, што адбываецца ў сусветным маштабе, задзейнічаны прэм'ер-міністр, кіраўнікі абедзвюх палат парламента, Савета бяспекі, КДБ і Адміністрацыі прэзідэнта.

Мінск сёння вымушаны рэагаваць на цэлы комплекс вялікіх падзей. Гарачы канфлікт паміж Арменіяй і Азербайджанам пераходзіць у палітычную плоскасць. Працягваюцца ваенныя супрацьстаянні на Блізкім Усходзе і ў Паўночнай Афрыцы, нікуды не дзеліся еўрапейскія пратэсты. А выбары ў ЗША пакідаюць пытальнік пад будучай палітыкай Вашынгтона.

Але самае галоўнае пытанне - сітуацыя, што складваецца вакол Беларусі. У той час як традыцыйныя саюзнікі цвёрда заяўляюць аб падтрымцы, іншыя дзяржавы занялі адкрыта дэструктыўную пазіцыю.

Усе сусветныя падзеі сёння варта разглядаць праз прызму каранавіруса. Пандэмія ў першую чаргу б'е па эканоміцы. І фізічны падрыў сувязяў паміж краінамі, вядома, не на карысць экспартна арыентаванай Беларусі. Так што магчымыя карэкціроўкі і ў знешнім гандлі - гэта яшчэ адна актуальная задача для дыпкорпуса. Падрабязнасці ў нашых наступных выпусках.