Прэзідэнт Беларусі напярэдадні правёў поўнае кадравае абнаўленне вярхушкі ўрада

Новым прэм'ер-міністрам прызначаны Сяргей Румас, да гэтага ён узначальваў Банк развіцця, але таксама, як адзначыў Кіраўнік дзяржавы, паспяхова спраўляўся з праектамі мадэрнізацыі, напрыклад у дрэваапрацоўцы і АПК. Першым віцэ-прэм'ерам стаў Аляксандр Турчын, да гэтага кіраўнік апарата Савета Міністраў. Пытанні прамысловасці і мадэрнізацыі на пасадзе намесніка кіраўніка ўрада з гэтага часу курыруе Ігар Ляшэнка. Пытанні будаўніцтва, ЖКГ, транспарту і сувязі - новы намеснік прэм'ер-міністра Уладзімір Кухараў. Ён прыйшоў ва ўрад з Камітэта дзяржкантролю і, як падкрэсліў Прэзідэнт, ведае ў дэталях гэтыя сферы праз прызму КДК. Усю сацыяльную сферу, уключаючы найважнейшыя ахову здароўя і адукацыю, будзе курыраваць віцэ-прэм'ер Ігар Петрышэнка - вопытны кіраўнік і дыпламат, які да апошняга часу прадстаўляў інтарэсы Беларусі ў Расійскай Федэрацыі.

Таксама быў прызначаны шэраг ключавых міністраў новага складу ўрада. Мінбудархітэктуры ўзначаліў Дзмітрый Мікулёнак, які раней кіраваў сталічным ўпраўленнем капітальнага будаўніцтва. Новы кіраўнік Мінпрама - Павел Уцюпін, Мінсувязі і інфарматызацыі - бліскучы спецыяліст у IT-сферы Канстанцін Шульган. Старшынёй Дзяржаўнага ваенна-прамысловага камітэта прызначаны Раман Галоўчанка. Міністэрства эканомікі ўзначаліць Дзмітрый Крутой, раней першы намеснік міністра. Аб'яўляючы аб прызначэннях, Прэзідэнт Беларусі асобна падкрэсліў, што галоўнымі крытэрыямі пры прыняцці кадравых рашэнняў былі адказнасць і дысцыпліна кандыдатаў, безумоўны прафесіяналізм і вопыт працы, дакладнае прытрымліванне прынятага народам курсу развіцця краіны.

Рашэнне аб такім кардынальным абнаўленні складу ўрада Кіраўнік дзяржавы назваў узважаным, глыбокім і не спантанным. Гучная аршанская інспекцыя, якая ўскрыла цяганіну і невыканальнасць, стала толькі апошняй кропляй у лёсе ўжо мінулага складу ўрада. Прэзідэнт падкрэсліў, што значна больш важкай прычынай адставак паслужыла сістэматычнае ігнараванне рашэнняў Прэзідэнта, спроба адкарэкціраваць і дэвальваваць ключавыя эканамічныя і сацыяльныя праграмы і праекты, у прыватнасці, у пытаннях павышэння ўзроўню сярэдніх зарплат, правядзення мадэрнізацыі і нават у перамовах з міжнароднымі фінансавымі арганізацыямі. Аляксандр Лукашэнка падкрэсліў, што згуртаванасць, дысцыпліна і парадак у сістэме прыняцця рашэнняў - гэта фактар незалежнасці нашай краіны.