Прэзідэнт Беларусі паставіў задачу распрацаваць меры для павышэння эфектыўнасці працы дзяржаўных службоўцаў

Прэзідэнт Беларусі Аляксандр Лукашэнка паставіў задачу распрацаваць меры для павышэння эфектыўнасці працы дзяржаўных службоўцаў. Такое патрабаванне Кіраўнік дзяржавы выказаў учора на нарадзе па развіцці інстытута дзяржслужбы.

Патрабаванні да кіраванцаў дзяржаўнага апарату павінны быць самымі высокімі. Пасля гэтага ідзе размова пра тое, каб зрабіць дзяржслужбу прывабнай і ганаровай. Яшчэ адна з актуальных задач - своечасова закрываць вакантныя пасады. На асобных пазіцыях падбор кандыдатаў часам зацягваецца на месяцы і нават гады. Таксама прынцыповае патрабаванне Прэзідэнта - ні намёку на карупцыю ў дзяржапараце.

Ішла размова і пра тое, каб перагледзець закон аб дзяржаўнай службе, а таксама распрацаваць статут або кодэкс дзяржслужбоўца. Прэзідэнт падкрэсліў, што такі дакумент павінен быць цалкам справядлівым і празрыстым. На нарадзе прынята рашэнне стварыць рабочую групу, прычым не з ліку дзяржслужбоўцаў, якая разгледзіць усе паднятыя пытанні і занясе наконт іх свае прапановы.