Прэзідэнт Беларусі павіншаваў караля Камбоджы з Днём Незалежнасці

Камбоджа сёння адзначае Дзень Незалежнасці. 9 лістапада 1953 года канчаткова была прызнаная незалежнасць краіны ад Францыі. Каралеўства ўпэўнена ідзе па шляху ўстойлівага развіцця і ўмацоўвае свой міжнародны аўтарытэт. "Сведчаннем гэтага стане яго старшынства ў Асацыяцыі дзяржаў Паўднёва-Усходняй Азіі ў наступным годзе", - адзначыў у віншаванні Каралю і народу Камбоджы Прэзідэнт Беларусі. Аляксандр Лукашэнка пацвердзіў зацікаўленасць Мінска ў пашырэнні ўзаемадзеяння з краінай, якая з'яўляецца важным партнёрам Беларусі ў Паўднёва-Усходняй Азіі.