Прэзідэнт Беларусі павіншаваў народ Украіны з Днём незалежнасці

Украіна адзначае Дзень незалежнасці. 31 год таму Вярхоўны савет Украінскай ССР прыняў пастанову аб абвяшчэнні незалежнасці. Са святам народ Украіны павіншаваў Прэзідэнт Беларусі Аляксандр Лукашэнка. Кіраўнік дзяржавы выказаў перакананне, што "сённяшнія супярэчнасці не змогуць разбурыць шматвяковы падмурак шчырых добрасуседскіх адносін паміж народамі дзвюх краін". "Беларусь і надалей прадоўжыць выступаць за захаванне згоды, развіццё дружалюбных узаемапаважлівых кантактаў на ўсіх узроўнях", - гаворыцца ў віншаванні. Прэзідэнт пажадаў украінцам мірнага неба, талерантнасці, мужнасці, сілы і поспехаў у аднаўленні годнага жыцця.