Прэзідэнт Беларусі павіншаваў навукоўцаў з адкрыццём новага зімовачнага комплексу ў Антарктыдзе

Працягваецца рабочы візіт Прэзідэнта Беларусі ў Расію. На 28 студзеня ў Санкт-Пецярбургу ў Аляксандра Лукашэнкі і Уладзіміра Пуціна запланавана насычаная праграма. Лідары прынялі ўдзел у відэаканферэнцыі, прысвечанай уводу ў эксплуатацыю новага зімовачнага комплексу станцыі "Усход" у Антарктыдзе.

Там вядуцца работы па даследаванні клімату і магнітнага поля Зямлі, метэаралагічныя, геафізічныя назіранні па даследаванні прыроднага лёду, вывучаюцца ўласцівасці матэрыялаў ва ўмовах нізкіх тэмператур. Беларусь на працягу шэрагу гадоў рэалізуе і сваю антарктычную праграму.

Свой шлях у асваенні Антарктыда (пры падтрымцы кіраўніка дзяржавы) краіна пачала ў 2006 годзе. Вынікі даследаванняў у палярным рэгіёне важныя не толькі з фундаментальнага, але і з практычнага пункта погляду: геафізічныя працэсы, якія адбываюцца ў Антарктыдзе, вызначаюць клімат планеты і захаванне біяразнастайнасці. Ва Усходняй Антарктыдзе таксама будуецца Беларуская даследчая станцыя. У 2021 годзе было завершана стварэнне першай яе чаргі, а к 2026-му плануецца скончыць фарміраванне другой. Склад і тэхнічныя характарыстыкі станцыі дазваляюць у поўным аб'ёме стварыць бяспечныя ўмовы для працы каманды палярнікаў колькасцю да 15 чалавек.

Прэзідэнт Беларусі павіншаваў навукоўцаў з адкрыццём новага зімовачнага комплексу ў Антарктыдзе: "Я таксама далучаюся да слоў Прэзідэнта Расіі і хачу павіншаваць усіх вас з адкрыццём новага зімовачнага комплексу станцыі "Усход".

Ён таксама падзякаваў расійскім сябрам, якія і раней, і зараз дапамагаюць беларускім навукоўцам з размяшчэннем на сваёй станцыі, падтрымліваюць даследаванні, дзеляцца навуковымі звесткамі, даюць абсталяванне.

Звяртаючыся да палярнікаў, Прэзідэнт адзначыў складаныя ўмовы, у якіх ім даводзіцца працаваць, і нават маршрут да станцыі вельмі доўгі і складаны: "Вы здзяйсняеце подзвіг. Мы вамі ганарымся. Дзякуй вам вялікі. Мы, беларусы, будзем больш актыўна ўключацца ў гэтыя працэсы. Жывіце дружна. Мы - браты, нам дзяліць няма чаго. Уклад у навуку павінен быць як з боку Расіі, так і Беларусі".

У рамках дзяржаўных праграм па даследаванні Антарктыкі з 2007 па 2023 год адбылося 15 беларускіх сезонных антарктычных экспедыцый. У іх узялі ўдзел больш чым 80 беларускіх і 6 замежных навукоўцаў і спецыялістаў. У гэтым месяцы супрацоўнікі ўжо 16-й па ліку экспедыцыі зрабілі шматдзённы навуковы паход у цяжкадаступны невывучаны раён мацерыковай часткі Антарктыды, што адкрывае новыя перспектывы для далейшага пашырэння геаграфіі навуковых і практычных інтарэсаў Беларусі ў палярным рэгіёне.