Прэзідэнт Беларусі прыняў удзел у цырымоніі адкрыцця абноўленага моста цераз Прыпяць

Пасля перамоў Кіраўнік дзяржавы з рабочай паездкай накіраваўся ў Гомельскую вобласць. Аляксандр Лукашэнка прыняў удзел у цырымоніі адкрыцця абноўленага моста цераз Прыпяць, які звязаў Жыткавічы і Тураў. Літаральна амаль гадзіну таму чырвоная стужка была перарэзана. Збудаванне даўжынёй 888 метраў і масай больш чым 3 тысячы тон злучае два берагі ракі 30 гадоў. Нягледзячы на мадэрнізацыю, у снежні 2017-га тут з'явіліся расколіны. Пантонная пераправа выправіла сітуацыю не на доўга. 300 кіламетраў дарогі ў аб'езд, напрыклад, праз Мазыр і Калінкавічы, білі па эканоміцы рэгіёна, бо на адным боку ракі малочны камбінат, а на другім кансервавы. З гэтага часу два буйныя прамысловыя цэнтры рэгіёна зноў разам. Рэканструяваць мост да 7 Лістапада даў даручэнне Прэзідэнт. І сёння асабіста праінспектаваў завяршэнне ўсіх работ. У краіне яшчэ 32 мосты патрабуюць рамонту. Якія з іх трэба адрамантаваць у першую чаргу, будзе вызначана ў найбліжэйшы час.

У цырымоніі адкрыцця прынялі ўдзел прадстаўнікі дарожных арганізацый, якія стваралі новы мост. З імі цёпла пагутарыў Аляксандр Лукашэнка на самыя розныя тэмы. Падрабязнасці ў нашых выпусках навін.