Прэзідэнт Беларусі прыняў даверчыя граматы паслоў дзесяці краін

Беларусь выступае за шырокі дыялог па ўсіх міжнародных пытаннях. Гэта заявіў Прэзідэнт Аляксандр Лукашэнка на цырымоніі ўручэння даверчых грамат.

Адразу дзесяць новых паслоў акрэдытаваныя ў нашай краіне. Сярод іх прадстаўнікі Польшчы, Італіі, Пакістана, Узбекістана, Эквадора. А дыпламаты Кіпра, М'янмы, Непала, Конга і Замбіі будуць працаваць у нас па сумяшчальніцтве. З гэтай прыгожай і сімвалічнай цырымоніі афіцыйна стартуе іх місія. Даверчыя граматы - гэта дакумент, які пацвярджае паўнамоцтвы дыпламатаў. Вітаючы паслоў, Кіраўнік дзяржавы асобна падкрэсліў важны нацыянальны момант знешняй палітыкі Беларусі.

Пасля цырымоніі за сімвалічным бакалам шампанскага Прэзідэнт пагутарыў з прадстаўнікамі пасольскага корпусу. Кожны з дыпламатаў не проста прадстаўляе інтарэсы сваёй краіны, але закліканы працаваць для пасоўвання супрацоўніцтва з Беларуссю. Афіцыйны Мінск вітае стварэнне паўнавартаснага дыппрадстаўніцтва Узбекістана. Прыярытэтная задача - наладжванне добрасуседскіх адносін з Польшчай. Гады паспяховага супрацоўніцтва ўжо звязваюць Мінск і Рым. Ёсць цікавасць развіваць дыялог з Кіпрам, Лацінскай Амерыкай і Азіяй. Створана добрая аснова для развіцця кантактаў з Пакістанам. Акрэдытацыя паслоў афрыканскіх краін дазволіць знайсці новыя пункты судакранання.