Прэзідэнт Беларусі правёў рабочую сустрэчу з кіраўніком Савета Рэспублікі

Пасля нарады па выніках усенароднага абмеркавання праекта змяненняў Канстытуцыі Прэзідэнт правёў рабочую сустрэчу з Наталляй Качанавай. Падчас размовы абмяркоўвалася дзейнасць Савета Рэспублікі і работа над законапраектамі. Кіраўнік верхняй палаты парламента далажыла Аляксандру Лукашэнку аб дзейнасці экспертнага савета. Пры разглядзе нарматыўных актаў у рамках яго працы прыцягваецца шырокае кола спецыялістаў - кожны дакумент дбайна вывучаецца. Таксама абмеркавалі на сустрэчы і работу Савета Рэспублікі з насельніцтвам: гэта прыёмы грамадзян і сустрэчы з працоўнымі калектывамі.