Прэзідэнт Беларусі сустрэўся з міністрам спорту Расіі Паўлам Калабковым

Сёння Прэзідэнт Беларусі сустрэўся з міністрам спорту Расіі Паўлам Калабковым. У размове з чыноўнікам Аляксандр Лукашэнка выступіў за скасаванне абмежаванняў у Расіі на ўдзел беларускіх атлетаў у гульнявых відах спорту. Рашэнне зняцця статусу легіянераў з беларускіх гульцоў у КХЛ адназначны плюс, але ўсё ж хацелася б, каб падобнае рашэнне было прынята ў дачыненні да нашых землякоў і ў іншых гульнявых відах спорту ў Расіі. Акрамя гэтага, Прэзідэнт адзначыў медальныя выступленні расійскіх лыжнікаў на этапах Кубка свету і падкрэсліў неабходнасць правядзення сумесных навучальна-трэніровачных збораў. Для беларусаў важна будзе рыхтавацца да Алімпіяд у Токіа і Пекіне на базах Далёкага Усходу, перш за ўсё для адаптацыі да часавых паясоў. Таксама Аляксандр Лукашэнка выказаў захапленне спартыўнымі поспехамі суразмоўцы, нагадаем, Павел Калабкоў - алімпійскі чэмпіён па фехтаванні на шпагах.

У гэтыя хвіліны на "Чыжоўка-Арэне" праходзіць пасяджэнне калегій міністэрстваў спорту дзвюх краін. Абмяркоўваецца падрыхтоўка да II Еўрапейскіх гульняў: гэта ацэнка спартыўных аб'ектаў і планы па правядзенні сумесных збораў для падрыхтоўкі да гэтага мультыспартыўнага форуму.

Таксама госці падзеляцца вопытам правядзення чэмпіянату свету па футболе, які дапаможа пры арганізацыі Еўрапейскіх гульняў. Па выніках пасяджэння будзе падпісаная двухбаковая праграма развіцця на два гады.