Прэзідэнт Беларусі выступае за ўмацаванне гандлёва-эканамічных сувязяў краін СНД

Стабільным адносінам паміж дзяржавамі СНД будзе спрыяць шырокі дыялог Садружнасці з Еўразійскім эканамічным саюзам. Аб варыянтах развіцця інтэграцыі гаварыў Прэзідэнт Беларусі на пасяджэнні Савета кіраўнікоў дзяржаў - удзельніц Садружнасці.

Маштабны палітычны форум прымае Таджыкістан. Афіцыйныя мерапрыемствы пачаліся ў Душанбэ раніцай. Ва ўрадавай рэзідэнцыі высокіх гасцей вітаў Прэзідэнт Таджыкістана Эмамалі Рахмон.

Дзень вялікай палітыкі пачаўся з традыцыйнай цырымоніі фатаграфавання. Што практычна заўсёды папярэднічае перагаворнай частцы любога саміту.

Затым лідары ў вузкім і пашыраным фарматах разгледзелі пытанні бягучай дзейнасці Садружнасці, а таксама планы па развіцці далейшага ўзаемадзеяння. Ключавыя кірункі пазначыў лідар старшыні ў СНД Таджыкістана. Гэта барацьба з тэрарызмам, экстрэмізмам, незаконным абаротам наркотыкаў, эканамічнымі злачынствамі, незаноннай міграцыяй і гандлем людзьмі. Раней эксперты прагназавалі, што найбольш прынцыповай тэмай саміту можа стаць як раз бяспека. Вялікую ўвагу надалі гуманітарнаму супрацоўніцтву і эканоміцы. Аб развіцці і ўмацаванні гандлёва-эканамічных сувязяў гаварыў Прэзідэнт Беларусі. Аляксандр Лукашэнка адзначыў, што на сусветных рынках ужо ператвараецца ў норму выкарыстанне неправавых механізмаў. Гэта ставіць эканомікі Садружнасці ў залежнае становішча, і абараніць свае інтарэсы на глабальнай платформе можна толькі разам.

У цэлым, кіраўнікі дзяржаў абмеркавалі каля 20-ці пытанняў. Таксама за рамкамі саміту запланаваны і двухбаковыя мерапрыемствы Беларусі і Таджыкістана. Аляксандр Лукашэнка і Эмамалі Рахмон абмяркуюць найбольш актуальныя тэмы ўзаемадзеяння і пракантралююць ход рэалізацыі ранейшых дамоўленасцяў. Краіны ўжо падрыхтавалі праект усёабдымнага дагавора аб стратэгічным партнёрстве.