Прэзідэнт Беларусі заслухаў даклад старшыні Гомельскага аблвыканкама аб ліквідацыі наступстваў урагану

Раніцай 18 ліпеня Прэзідэнт Беларусі Аляксандр Лукашэнка заслухаў даклад старшыні Гомельскага аблвыканкама Івана Крупко аб ліквідацыі ў рэгіёне наступстваў урагану,паведамляеБЕЛТА.

Іван Крупко падрабязна далажыў Прэзідэнту аб ходзе аднаўленчых работ у вобласці і сітуацыі на раніцу чацвярга ў цэлым.

Кіраўнік дзяржавы паставіў задачу да раніцы заўтрашняга дня завяршыць усе работы па падключэнні насельніцтва да электрасілкавання, у тым ліку ў самых аддаленых населеных пунктах.

Міністэрству энергетыкі і старшыням аблвыканкамаў пастаўлена задача па рэвізіі ўсіх энергетычных магутнасцяў і электрасетак, а таксама наяўнасці ліній рэзервовага сілкавання. У выпадку выяўлення фактараў, што выклікаюць насцярожанасць, старыя сеткі павінны быць дэманціраваны і заменены, каб пазбегнуць у будучыні падобных сітуацый. Такое яшчэ адно даручэнне Аляксандра Лукашэнкі.

Яшчэ адзін блок даручэнняў датычыўся ліквідацыі наступстваў стыхіі ў лясным масіве.