Прэзідэнт: Эканамічнае супрацоўніцтва Беларусі і В'етнама трэба падцягваць да ўзроўню палітычных адносін

Эканамічнае супрацоўніцтва Беларусі і В'етнама трэба падцягваць да ўзроўню палітычных адносін. Наконт гэтага сёння ішла размова ў Палацы Незалежнасці.

Прэзідэнт Аляксандр Лукашэнка, звяртаючыся да пасла В'етнама Ле Аня, які завяршае дыпмісію, адзначыў, што палітычныя адносіны значна апярэджваюць гандлёвыя. Кіраўнік беларускай дзяржавы падзякаваў дыпламату за працу, якую Ле Ань правёў за гэтыя тры гады. Па выніках 2017-га Мінск і Ханой нагандлявалі на 135 мільёнаў долараў. Амбіцыйная задача да канца наступнага года павялічыць лічбу ў два з паловай раза. Наконт гэтага мінулым летам дамовіліся лідары дзвюх краін падчас афіцыйнага візіту прэзідэнта В'етнама ў Беларусь. 500 мільёнаў долараў - менавіта такі тавараабарот адпавядае патэнцыялу дзвюх краін. МАЗы, БелАЗы, трактары і харчаванне аб'ядноўваюць нашы краіны. Але кааперацыя значна шырэйшая: дзяржавы звязаныя турызмам, гасцінічным і рэстаранным бізнесам, супрацоўнічаюць у адукацыі і культуры.

Новыя напрамкі, цікавыя для В'етнама - гэта будаўніцтва, ваенна-тэхнічны комплекс, стварэнне сучасных матэрыялаў. Вялікая эканамічная размова паміж краінамі чакаецца ў снежні - у Хашыміне пройдзе выстава "В'етнам Экспа". Удзел у ёй ужо пацвердзілі амаль тры дзясяткі беларускіх кампаній. Форум стане галоўнай перагаворнай пляцоўкай Азіяцкага рэгіёна для заключэння выгадных кантрактаў.