Прэзідэнт напярэдадні ўручыў дзяржаўныя ўзнагароды прадстаўнікам розных сфер дзейнасці

Лепшыя людзі краіны. Прэзідэнт Аляксандр Лукашэнка напярэдадні ўручыў дзяржаўныя ўзнагароды прадстаўнікам розных сфер дзейнасці. 42 навукоўцы, дзеячы культуры, прамыслоўцы атрымалі ордэны і званні за выдатныя дасягненні ў працы і не толькі. Гэта плеяда не проста прафесіяналаў, як адзначыў Прэзідэнт, а людзей, якія працуюць на карысць роднай краіны, не пакладаючы рук.

Асаблівыя і цёплыя словы віншавання ў адрас супрацоўнікаў БелТА. Галоўнае агенцтва навін перасягнула векавы юбілей. Аліна Шрубок – вядучы рэдактар - атрымала ордэн Пашаны, а медаль "За працоўныя заслугі" - намеснік гендырэктара - Марта Чвей. Вядома, гэта былі не ўсе ўзнагароджаныя. Адразу восем дзеячаў культуры апынуліся ў ліку лепшых. У краіны зараз больш народных і заслужаных артыстаў. Асаблівая ўзнагарода - ордэн "За асабістую мужнасць". Яго атрымаў Мікалай Мачанскі за адважныя і рашучыя дзеянні з рызыкай для жыцця.

Як адзначыў Кіраўнік дзяржавы, для трыумфатараў такая пільная ўвага і ўзнагароды ў першую чаргу - лепшы стымул для новых гучных перамог на прафесійным фронце.