Прэзідэнт даў наказ моладзі на тыдні на Рэспубліканскім балі выпускнікоў

Да тэмы нацыянальнай ідэнтычнасці, гераічнага подзвігу нашых абаронцаў вярталіся і на Рэспубліканскім балі выпускнікоў. Прэзідэнт штогод збірае лепшых, каб ім асабіста даць наказ у дарослае жыццё.

Аляксандр Лукашэнка прызнаўся, гледзячы на гэтых маладых людзей - прыгожых, паспяховых і амбіцыйных, ён заўсёды адчувае пачуццё гонару за нашу краіну. Вядома, у кожнага пакалення свае выклікі. Мы спадчыннікі герояў, якія выратавалі Еўропу ад нацызму. Быць годнымі тых, хто ствараў нашу будучыню. Пажаданне ад кіраўніка дзяржавы тым, хто і будзе будаваць наша заўтра.

У адной зале больш за дзве сотні выпускнікоў з усіх куткоў краіны. Шчырыя словы ад кіраўніка дзяржавы кожнаму: педагогам - падзяка за працу, вынікам якой можна сёння ганарыцца, маладым людзям - наказ у дарослае жыццё. Можа не адразу, але ў іх абавязкова ўсё будзе. Прэзідэнт скажа, што ўсё і заўсёды атрымліваецца ў тых, хто адданы сваёй справе, хто адданы сваёй краіне.

Запрашэнне на баль - гэта падарунак за старанні і поспехі за ўсе няпростыя, але вельмі цікавыя студэнцкія гады, кульмінацыя вучобы і матывацыя да будучых дасягненняў.