Прэзідэнт аб гібрыднай вайне супраць Беларусі

Заявы, якія прагучаць сёння, стануць базавымі прынцыпамі беларускай палітыкі. Гэта падкрэсліў кіраўнік дзяржавы сёння на сустрэчы ў Авальнай зале з парламентарыямі, членамі Канстытуцыйнай камісіі і прадстаўнікамі органаў дзяржкіравання.

Супраць Беларусі вядуць сучасную гібрыдную вайну. Ніводная краіна ў свеце не сутыкалася з такім шматпланавым, шматузроўневым тэрорам. Відавочны пераход ад арганізацыі бунтаў да новага этапу - удушэння. Усё гэта больш падобнае на зайздрасць з-за бяссілля за правал спробы дзяржперавароту. Плюс ролю адыграла пандэмія і, як пацвердзіла жыццё, правільныя крокі Беларусі ў барацьбе з каранавірусам. Пандэмія, адзначыў Прэзідэнт, дэфармуе свядомасць і перакройвае уладкаванне свету. Пад шумок моцныя краіны вырашаюць свае праблемы.

Вось пра што ўдзельнікі сустрэчы гаварылі сёння ў кулуарах Дома ўрада. Дарэчы, менавіта парламентарыі сталі ініцыятарамі сённяшняй размовы ў Авальнай зале. Чырвоная нітка ўсіх меркаванняў - у цяперашняй сітуацыі цяжка пераацаніць значэнне такога шырокага грамадскага абмеркавання. Яно дае адказы на самыя вострыя выклікі, што стаяць перад дзяржавай і народам.

Сустрэча вельмі насычаная. У гэтыя хвіліны ўдзельнікі задаюць кіраўніку дзяржавы пытанні. Ідзе дыскусія. За падрабязнасцямі сачыце ў нашых выпусках.